चोरी पयले बी वेतीती,
चोरी आबयी वेरीछं.
फरक आतराज की,
चोरेर चोरीर दिशा बदलरीछं.

चोर पयले चोरन लेजातोतो,
खेतेमायीर रूयेर वोळी दीचार.
चोर आबं चोरन लेजारेछ,
कवी,लेखकेर मातेमायीर वीचार.

सेजारी चोरलेगो तरी,
नाम कळेदवं कोनी.
यी तो आसो नामी करं,
जसो सीलीगेंन वारसच छेनी.

संतीयार कळजो,
परेम कूमार चोरलेगो.
सूरीयाती लबाडी करन,
संजीया लबाड नारीया वेगो.

वीनीया,संतीया,सूरीया,
आपण कायी कीदे चूकीर.
मेनत करे मूरगा,आन,
आंडा खाये फकीर.

कवी: निरंजन बळीराम मुडे

चिल्ली (ई) ता.महागाव जि.यवतमाळ