माटी सोडरो कोनी बाज (चांदनं चांदनं झाली रात)
- Release Date： October 15, 2025
चार दनं, चार दनं वेगे आज…२
माटी सोडरो, सोडरो कोनी बाज…!
पावेकं माचळी लीयायो
भटीपं जाताणीं पीयायो
गरीगरायी माचळी लीयायो
भटीपं जाताणीं पीयायो…
हेटे वूचेती भररोछ व्याज..२
माटी सोडरो, सोडरो कोनी बाज…!
पुढारी सोबत फरीयायो
जाताणीं फारमं भरीयायो
नेता रे सोबत फरीयायो
जाताणीं फारमं भरीयायो
वू तो वेचनं खागो सारी लाज..२
माटी सोडरो, सोडरो कोनी बाज…!
घरेमं दाळेरं पतो छेयी
छचारूनं रांदनं घालू कायी?
चूलेमं आंगारेर पतो छेयी
छचारूनं रांदनं घालू कायी
पांदीमायीती लीयायो कतरारी गाज..२
माटी सोडरो, सोडरो कोनी बाज…!
लोकलेमायी लटकरो
महागायीमं भटकरो
गरदीमायी आटकरो
महागायीमं भटकरो
वू तो दूरतीजं वतारो हाटेल ताज..२
माटी सोडरो, सोडरो कोनी बाज…!
लाखीया बळद फरीयायो
हारोहारो चारो चरीयायो
होंडा बळद फरीयायो
हारोहारो चारो चरीयायो
नंदी बळदेप चडानाको साज…२
माटी सोडरो, सोडरो कोनी बाज…!
चार दनं चार दनं वेगे आज…२
माटी सोडरो, सोडरो कोनी बाज…!
निरंजन बळीराम मुडे
